7
L’avocat Paolo Viezzi al è il gnûf president dal comitât teritoriâl di Udin de Uisp (Unione italiana sport per tutti), associazion di promozion sociâl ricognossude dal ministeri dal Lavôr e dal Coni. La associazion, fondade tal 1948, dome a Udin e svante 4.800 iscrits e plui di 14 mil in dute la regjon.
Tal consei diretîf a son stâts clamâts Anna Zorzi, Massimo Vittor, Paolo Cainero, Stefano Breda, Antonio Di Monte, Chiara Adorini, Nadia Zorzutti e Antonello Di Ninno. Viezzi al à ringraciât Roberto Alt, il president che al finìs il so mandât. (a.d.g.) – 15.01.2025
