La memorie dai monuments de citât

Inte suaze dal program dal Comun di Udin pe Zornade de memorie, vinars ai 17 il teatri Palamostre al ospitarà des 9 di buinore la conference dal titul “Monuments e memorie”, organizade in colaborazion cul comitât provinciâl de ANPI (Associazion nazionâl partesans di Italie) e cu la poie de Regjon. L’incuintri, pai students des scuelis di secont grât, ma cu la jentrade vierte al public, al tacarà cu la proiezion dal video “Lis pieris a fevelin di nô”, ma al fevelarà ancje di Gunter Demnig, l’artist todesc che al à creât il progjet des “pieris di berdei”. Al centri, i lûcs, lis stradis e i edificis des citâts, viodûts tant che testemonis dal passaç di gjenerazions di oms e di feminis vie pal timp, bogns di conservâ il ricuart des vicendis umanis. (A.I.) – 16.01.2025