La vite dal cjantautôr

Il cine di Dorino Minigutti “Si vîf – Une vite di musicant”, dedicât al cjantautôr cjargnel Luigi Maieron, al torne al cine dopo lis proiezions di Udin, Glemone e Pordenon. La cuarte serade-avigniment e sarà vinars ai 17 li dal Cine “David” di Tumieç, in presince dal regjist e dal protagonist. Dut in lenghe furlane, il cine al tache dal dialic jenfri Minigutti e Maieron – un dai cjantautôrs plui preseâts de nestre tiere, za finalist al Premi “Tenco”. I doi a fevelin di temis personâi che a deventin universâi: il rapuart tra gjenitôrs e fîs, il passâ dal timp, l’amôr, la muart. (A.I.) – 16.01.2025