La scuele e fâs ridi: peraule di ex insegnant

Nol è professôr o student talian che nol tachi a ridi ogni dì cui videos dal atôr comic (e ex insegnant) Filippo Caccamo, che a son dedicâts al mont tragjicomic de scuele. E che nol ledi po dopo di corse a comprâ un biliet cuant che il spetacul di cheste stele de rêt al rive inte sô citât. Il gnûf tour “Le Filippiche – Atto Finale”, un viaç inmagant inte comicitât dal artist, che al puartarà sul palc une schirie di personaçs esilarants, stravagants e memorabii, al è daûr a rivâ ancje a Pordenon, tal Auditorium Concordia vinars ai 17 di Zenâr, e a Triest tal Teatri Bobbio il dì dopo. (A.I.) – 16.01.2025