Ancje Prissinins al à la sô stagjon teatrâl

La stagjon teatrâl di Prissinins, pe prime volte curade de aministrazion comunâl in colaborazion cul circuit dal ERT, e tache sabide ai 18 cul comic Federico Basso che al larà sù sul palc dal Auditorium Comunâl cul so monolic “Profilo Basso”. Al è un viaç ironic traviers lis piçulis e grandis situazions de vite cuotidiane, viodudis traviers il voli uçât e origjinâl di Basso, che dal 2003 si è fat cognossi al grant public cun “Zelig”, ma si definìs “un comic imprestât ai social”, dulà che i siei sketch curts a àn concuistât un grant public, ancje se al è dal vîf che il so talent si pues preseâ miôr. La sô ironie lizere e mai banâl e trasforme l’ordenari in straordenari, ufrint al public moments di riflession e di divertiment. (A.I.) – 17.01.2025