20
Al è muart vie pe sere di îr sul tart Alberto Rigato, l’operari di 55 agns che intal dopomisdì al veve vût un incident intant che al jere ae vuide de sô auto in vie Dante. La Citroen C3 e je lade a sbati prime cuintri di un plet spartitrafic e dopo cuintri di un pâl de lûs. Puartât daurman tal ospedâl di Udin cul elicotar, l’om al è mancjât pes feridis griviis.
Rigato, che al jere une vore cognossût parcè che al lavorave pal Comun inte manutenzion e al jere atîf tal grup di krampus dal paîs, al lasse dôs fiis. In dute la comunitât dal Tarvisian, al è dolôr profont e corot come che al à ricuardât il sindic Renzo Zanette, che si è strent ae famee a non di dute Tarvis. (a.d.g.) – 16.01.2025
