La Filologjiche invidade de famose academie di Florence

Trasfierte a Florence pe Societât Filologjiche Furlane, che miercus ai 22 e sarà ospite de Academie “Della Crusca”, inte sede di Vile medicea di Cjistiel, dulà che e presentarà la racuelte dai ats de cunvigne che intal Novembar dal 2023, a Gurize, e à celebrât i 150 agns de jessude dai “Studi latini” (Studis ladins). La opare che e screave la riviste fondade di Graziadio Isaia Ascoli, l’“Archivi Glotologjic Talian”, e je “di grande impuartance pe definizion dai caratars linguistics dal furlan, de sô identitât e de sô posizion dentri dal mont neolatin – al declare il president de Societât Filologjiche Furlane, Federico Vicario –. Propit a Ascoli e je intitulade la Societât Filologjiche Furlane, che e à continuât l’impegn pal studi e pe valorizazion dal complès des varietâts de nestre regjon”. A introdusi l’incuintri a saran il president de Academie “Della Crusca”, Paolo D’Achille, e il president de Filologjiche, intant che Carla Marcato e presentarà  il volum sui 150 agns dai “Saçs ladins”, une leture di Graziadio Isaiae Ascoli jenfri storie e atualitât. (A.I.) – 20.01.2025