12
Îr sore sere un om e une femine a àn cjapât a pidadis e pugns l’autist di 53 agns di une coriere di Arriva Udine li de fermade, in viâl Ledra a Udin. A scjadenâ la reazion dai doi al somee che al sedi stât il control fat dal personâl che al jere dentri dal mieç, dôs fantatis di 32 e 25 agns, ancje lôr pacadis dopo che a vevin domandât di viodi il biliet.
I doi no vevin nuie e cussì a àn tacât prime a insultâ e dopo a pacâ il personâl. Sul puest a son rivâts i carabinîrs dal nucli radiomobil che a stan investigant par cjatâ i doi agressôrs scjampâts prime de rivade dai militârs. (a.d.g.) – 21.01.2025
