Cope dal Mont di schi alpinisim a Fors Disore

Daspò di vê dât acet ai zûcs olimpic dai zovins EYOF tal 2023 e i campionâts talians l’an dopo, Fors Disore si conferme un lûc di riferiment pal schi alpinisim a nivel internazionâl. Dai 24 ai 26 di Zenâr, te localitât furlane si fasaran dôs garis buinis pe Cope dal Mont di schi alpinisi, ISMF Youth, tes specialitâts Sprint e Mixed Relay. Lis competizions si davuelzaran tal comprensori “Davost”, un lûc là che i spetatôrs a puedin rivâ cence fadie, par viodi di dongje lis abilitâts dai atletis impegnâts a là su e jù cui schiis e lis piels di foche. La manifestazion je inmaneade de Societât sportive “Fornese” cu la Fisi dal F-Vj, PromoTurismo, Comun e Pro Loco. (A.I.) – 22.01.2025