4
Za une setemane prime, il Teatri “Paolo Maurensig” di Felet al veve finî i biliets pal gnûf spetacul di Alessandro Bergonzoni, “Arrivano i Dunque (avannotti, sole blu e la storia della giovane saracinesca)”. L’apontament, in program vinars ai 24, al fâs part de stagjon teatrâl promovude dal Circuit dal ERT e de Fondazion Bon e al veve jemplât za la date “zero” ospitade il passât mês di Otubar tal Teatri “Zancanaro” di Sacîl. Atôr, scritôr, dramaturc e mestri dal paradòs, Alessandro Bergonzoni al passe e al torne a inventâ lis frontieris de art cu la sô cifre stilistiche fate di zûcs di peraulis e di riflessions esistenziâls che a confondin il confin tra reâl e sureâl. (A.I.) – 22.01.2025
