Ve la zornade dal “Premi Nonino”

Cerimonie uficiâl li des distilariis Nonino a Roncjis di Percût vie pe matine di sabide ai 25 pe cincuantesime edizion dal Premi Nonino, il prin cence Benito, che intal 1975 lu à istituît cu la femine Giannola par salvâ e fâ ricognossi dai orghins comunitaris lis varietâts autoctonis di vins furlans in vie di estinzion. La jurie, vuidade di Antonio Damasio, e à assegnât il premi a Dominique de Villepin, diplomatic, leterât e inteletuâl francês, za prin Ministri. A Micheal Krüger, poete e romanzîr todesc, al va il premi Internazionâl, ae danzadore Germaine Acogny il ricognossiment “Mestre dal nestri timp” e al sommelier irlandês Ben Little il “Risit D’Aur” pal so lavôr su la varietât vinifare autoctone dal Pignûl. Aes 6.30 sot sere, intal Cjistiel di Udin, l’incuintri “Dialics dal Premi Nonino” viert a ducj e condot di Stefano Salis. (A.I.) – 24.01.2025