La aziende furlane Icop e à comprât la imprese americane AGH

La Icop di Basilian, aziende specializade intes costruzions, e à confermât di vê comprât la Atlantic GeoConstruction Holdings (AGH), aziende americane tra chês plui impuartantis intes soluzions gjeotecnichis avanzadis.

Cheste acuisizion al è un pas indenant une vore impuartant pe aziende furlane, cuotade inte Borse di Milan e tal sisteme Euronext, dilunc dal troi de espansion tal forest.

Il cost dal acuist de imprese americane, che e à plui di 250 dipendents, specializade intal miorâ il teren, intes fondazions in sot e in altris oparis, al è di 126 milions di euros. (a.d.g.) – 24.02.2025