La “crisi di gnerfs” dal zovin Čechov

Peter Stein, un dai regjiscj europeans plui premiâts, al met in sene trê ats unics di un Anton Čechov zovin, plens di sarcasim, di comicitât paradossâl, di assurditât stravagante e di crudeltât mate. “Crisi di nervi” (Crisi di gnerfs) al è il titul dal spetacul cun Maddalena Crippa e altris atôrs famôs che al sarà ospit par sîs seradis intal circuit dal ERT. La tournée e tache joibe ai 27 dal Teatri “Ristori” di Cividât, par dopo movisi fint ai 5 di Març a Monfalcon, Çopule, Pontebe e Palme. I trê ats unics di chest spetacul a presentin personaçs che, di une volte in chê altre, si fasin cjapâ di une crisi di gnerfs, si inmalin, a son prede di atacs isterics o a barufin un cun chel altri. (A.I.) – 26.02.2025

Foto di T. Le Pera