68
Dopo la fortunade tournée di “Scusa sono in riunione… ti posso richiamare?”, e torne intal circuit dal ERT la “dite Incontrada – Pignotta” cuntune gnove comedie romantiche. “Ti sposo ma non troppo” (Ti maridi, ma no masse) al è il titul dal spetacul scrit e diret di Gabriele Pignotta, che lu interprete cun Vanessa Incontrada, Fabio Avaro e Siddhartha Prestinari, za protagoniscj in chel altri lavôr. La comedie, prodote di Artisti Associati di Gurize, e larà in sene joibe ai 27 tal Teatri “Verdi” di Manià e vinars ai 28 tal Auditorium “Aldo Moro” di Cordenons. Il test al viôt protagoniscj cuatri personaçs che, passâts i cuarante agns, a fasin i conts cuntune situazion sentimentâl ancjemò precarie. (A.I.) – 26.02.2025
