Cine di mont: si siere cul “re” dal K2

Sabide ai 15 tal Teatri “Palamostre” di Udin si siere la cuarantesime edizion de Rassegne dal cine e dai protagoniscj de mont, promovude de SAF, la Societât Alpine Furlane. Dopo il grant sucès des seradis di cine cun passe 500 spetatôrs intai prins cuatri apontaments, l’ultin avigniment al sarà l’incuintri cuntun protagonist assolût dal alpinisim mondiâl, il sudtirolês Hans Kammerlander, innomenât pal numar impressionant di scjaladis (ben 2.500) in ogni continent, cincuante di chês fatis pe prime volte tal mont. Inte conference cun Silvia Rossi, presidente dal Comitât sientific de SAF, Kammerlander si concentrarà su la mont che plui e à segnât la sô vite: il K2, la mont des monts. (A.I.) – 14.03.2025