A S. Vît un gnûf album furlan di jazz

Dopo la scree tal Auditorium Centri Civic cu la musiche di Lou Reed, sunade dal grup talian The Leaping Fish Trio, la edizion numar 19 di “San Vito Jazz” – promovude dal circuit dal ERT e Comun di S. Vît dal Tiliment cu la direzion artistiche di Flavio Massarutto – e rive al secont apontament tal Teatri Sociâl Antîc “Arrigoni”, dulà che sabide ai 15 il Cuintet Ghirardini al presentarà i tocs dal album “Lentoandare”, prodot di Artesuono di Stefano Amerio. Il cuintet al è fat di Ermes Ghirardini (batarie), figure centrâl de sene furlane tant che musicist e insegnant, e cuatri artiscj che a rapresentin diviersis gjenerazions dal jazz regjonâl: Romano Todesco ae armoniche, Denis Biason ae ghitare eletriche, Mirko Cisilino ae trombe e trombon e Alessandro Turchet al liron. (A.I.) – 14.03.2025