Austriac al reste tacât a un laris su la Mont Sante di Lussari

Moments di pôre vuê su la Mont Sante di Lussari, cuant che un om di 40 agns, che al rivave di Vilac, intant che al vignive ju’ cuntun parecleve, al è restât tacât di un laris, a plui o mancul 1.700 metris di cuote. Par liberà l’om, che l’incident al è sucedût te matine sul tart, si son movûts i tecnics dal Socors alpin di Rabil e de Vuardie di finance e i agjents de Polizie che a fasin il servizi di sigurece su lis pistis. Lis operazions a son ladis indenant sul versant a nord de mont, intune zone che si cjate pôc sot de strade che e puarte bande dal santuari.

L’om al jere restât tacât a vincj metris di altece e par tirâlu ju’ i tecnics a àn vût il lôr biel ce fâ. (a.d.g.) – 18.03.2025