La Banda Osiris e conte la Italie di doman che no je plui

La Banda Osiris e il filosof Telmo Pievani a rivin sabide ai 5 tal “Palamostre” di Udin pe stagjon di Teatro Contatto cul gnûf spetacul “Allegro bestiale” (Legri bestiâl), che al met adun sience e musiche par contâ la biodiversitât taliane cun ironie e profonditât, intun viaç ai confins de biodiversitât e ae scuvierte de ricjece naturâl straordenarie dal nestri Paîs. La Banda Osiris, calcolade la espression massime dal teatri musicâl in Italie, e torne a colaborâ cun Pievani par ufrî une esperience che e instrece divertiment e cussience, puartant il public a esplorâ un patrimoni cetant preziôs e menaçât. Il spetacul, che si fâs intun futûr no masse lontan, al devente cussì une peregrinazion tra creaturis reâls e imagjinariis, intune Italie che e jere e che no je plui. (A.I.) – 04.04.2025