Dal 1 di Mai la lote ae pandemie e jentre intune gnove fase. intant che il Green Pass al larà in sostance in cjast, salf ecezions tant pocjis, la spiete e je pes decisions su lis mascarutis al sierât. E’ stât aprovât l’emendament dal Guvier al decret Covid, ma par ducj i detais si spiete la ordenance dal ministri de Salût Roberto Speranza, che e sarà firmade intes oris prossimis.
A cetant che si impare, lis protezions a restaran obligatoriis fin ai 15 di Jugn par assisti i spetacui e ai avigniments sportîfs al sierât e par lâ sù sui mieçs di traspuart ancje locâl, intant che al lavôr a valin i protocoi za in vore. Duncje, la mascarute e sarà dome racomandade a fuart.
Intes scuelis, lis mascarutis a restaran fin al tiermin des lezions, tant che previodût dal decret in conversion. No saran, invezit, plui obligatoriis in discoteche.
E reste alte la vuardie intes struturis sociosanitariis e intes Rsa, dulà che lavoradôrs, utents e visitadôrs a varan di continuâ a meti lis protezions.
