Vie libare de V Comission consiliâr dal Consei regjonâl dal Fvj ae delibare da Zonte regjonâl che e assegne 6 milions e 105 mil euros pe atuazion dal Program pes politichis di sigurece integrade 2022, in atuazion de leç regjonâl 5 dal 2021 inmaneade pe promozion e atuazion di un sisteme unitari di sigurece pal benstâ dal teritori e des sôs comunitâts.
Lis disposizions a son dreçadis ai Comuns, singui o associâts, dotâts di un cuarp di polizie locâl cuntun stanziament totâl di 2,6 milions di euros; ai orghins decentrâts dal Stât e ai ents locâi, intervignint intal ambit dai pats locâi pe atuazion de sigurece urbane integrade cun1,3 milions di euros erogâts; ai Comuns cun popolazion superiôr a 20.000 abitants intal ambit de colaborazion cun assegnâts subiets ae sigurece sussidiarie (1 milion di euros); ai servizis di polizie locâl dai Comuns 405mila euro pes spesis corintis e a chei cun almancul cinc operadôrs 800 mil euro pe realizazion e l’adeguament struturâl des sedis e des salis operativis. Adg
Plui di 6 milions di euros pe sigurece de Regjon Fvj
161