6/05/2022 – E devente penâl la bataie tra Contarena e Comun di Udin. L’aministradôr de Spritz time srl, societât che e gjestìs il storic locâl di Palaç D’Aronco, al à presentât îr in Procure une denunzie, integrazion di une altre denunzie che e rimonte a Fevrâr, viers dal assessôr al Patrimoni, Francesca Laudicina, e dai funzionaris che ur competin i fits dai imobii di proprietât comunâl.
Societât e Comun si son za o frontâts devant dal Tar e a son in spiete dal judizi dal Consei di Stât.
“Inte denunzie – al sclarìs il legâl de Spritz time, l’avocat Federica Tosel – a son esposcj cierts fats che la societât e riten che a sedin riferibii al reât di abûs di ufici. In particolâr, la Aministrazion comunâl e à doprât un dopli pês e une dople misure daûr dal interlocutôr che al à denant, intant che e sarès tignude ae imparzialitât. O viodarìn se la Procure de Republiche e condividarà lis nestris valutazions”.
L’assessôr Laudicina nol à volût dâ coments: “O pues dome dî che o ai lavorât simpri pal interès public”.MR
