A rivin i bêçs per viabilitat te zone industriâl Ausse Cuar

La Zonte regjonâl, daûr de propueste dal assessôr aes Infrastruturis e Teritori Graziano Pizzimenti, a à aprovât l’intervent pe ristruturazion de viabilitât comunâl di acès ae zone industriâl de Ausse Cuar par un impuart finâl di 6 milions e 210 mil euros.
La direzion centrâl Infrastruturis e Teritori, sotentrade al Consorzi pal disvilup industriâl de zone de Ausse Cuar inte posizion di atuadôr dal Pat Teritoriâl pe Basse Furlane, si jere cjapade i debits dal Consorzi stes, in licuidazion. Cu la delibare aprovade vinars ai 6 di mai, cemût che al è stât evidenziât dal assessôr competent, si disbloche la erogazion de licuidazion di un milion e 167 mil euros de Casse dipuesits e prestits, fondamentâl par sierâ il pachet di intervents di ristruturazion, finanziâts dal ministeri dal Disvilup economic cuntun contribût Cipe di 3 milions e 202 mil euros corispondent al 40,28% dal impuart congrui amissibil. Adg