185
31-05-22. Il museu dedicât a Vençon ae storie dal Friûl taramotât “Tiere motus” al torne a vierzi dopo doi agns di sierade causâts de pandemie.
Ospitât a Palazzo Orgnani Martina, il museu al racuei documents uficiâi, testemoneancis e imagjins dal taramot che intal 1976 al à fat a tocs il Friûl e dal procès virtuôs di ricostruzion inviât subite dopo, fasint deventâ cheste regjon un esempli a nivel mondiâl.
La struture si podarà visitâ dal 1° Jugn fin ai 31 di Avost, ogni dì des 10 de matine aes 6 de sere (il vinars des 2 aes 6 de sere, sabide e domenie des 10 de matine aes 6 de sere). (a.d.g.)
