Radio Rai e à decidût di doprâ l’audio de regjistrazion di “Europeana”, un dai spetacui di ponte de edizion 2021 di Mittelfest, dentri dal program “Pantagruel”, la rassegne culturâl estive in onde la sabide e la domenie dopomisdì. “Europeana” al è un spetacul diret e interpretât di Lino Guanciale, atôr cognossût e amât dal teatri e de television taliane, e gjavât fûr dal libri omonim di Patrik Ouředník: un corisi daûr di flash su la storie europeane dal ‘900, un gorc di contradizions, un cuadri di cemût che al è stât il secul che nus lasse ancjemò i siei segns. Il monolic di Guanciale, lât in sene inte glesie di Sant Francesc di Cividât tal Avost 2021, al sarà dividût in siet framents di 10 minûts ognidun che a laran in onde te trasmission “Pantagruel sabide” ai 25 di Jugn, in Lui e Avost. (A.I.) – 23.06.2022
Un spetacul dal Mittelfest su Radio Rai
174