Intal prin trimestri dal 2022, su la fonde dai numars dâts fûr dal Inps, lis assunzions in Friûl Vignesie Julie intal setôr privât (gjavâts fûr i lavoradôrs domestics e i operaris agricui) a son cressudis di plui dal 40% a pet rispiet dal stes periodi dal an passât (di 26.700 a 37.800, plui o mancul 11.100 unitâts in plui). Lu fâs savê il ricercjadôr de Ires Fvj Alessandro Russo che al à rielaborât dâts Inps. La cressite e à rivuardât dutis lis tipologjiis contratuâls principâls; e je stade plui fuarte pai rapuarts stagjonâi, che a son triplicâts rispiet dal prin trimestri 2021 (di 792 a 2.342, +195,7%). Tra Zenâr e Març 2022 a son cressudis ancje lis interuzions dai rapuarts di lavôr (di 20.400 a 31.300, di là dal 50% in plui), leadis soredut aes dimissions. (A.D.G.) – 25.06.2022
Assunzions in riprese in Fvj, ma a cressin lis dimissions volontariis
181