Nol è dome che un spetacul, ma un ‘formât’ unic intal so gjenar in Italie, che al à debutât intal Dicembar 2018 tal Teatri ‘Giovanni da Udine’ . Dopo de pandemie e a pene che dôs datis intun pâr di agns, la Ceghedaccio Symphony Orchestra Fvg e torne sui palcs cu la sô cjame di energjie che dome che la musiche agns ’70 e ’80 e sa dâ. Formade di uns trente musiciscj di alt nivel tecnic direts di Denis Feletto, cun trê soliscj ae vôs, la orchestre e presente dome musiche di discoteche ‘di epoche’, ma rangjade di gnûf pe ocasion daûr dal spirt de fieste-revival che di agns e puarte ae Fiere di Udin miârs di apassionâts. La orchestre e je stade invidade a presentâ il spetacul “Let the music play” ai 15 di Lui tal Cjistiel di San Giusto a Triest e il 21 fintremai tal Castello Sforzesco di Milan. (A.I.) – 04.07.2022
La orchestre dal Ceghedaccio e puarte la discoteche a Triest e Milan
158