Si daran la volte parsore di cuatri palcs furlans i sardegnûi Mauro Palmas e Francesco Medda e il galês Carwyn Ellis par “Suns Europe”, il festival des arts in lenghe minorizade, inmaneât de cooperative Informazione Friulana, editore di Radio Onde Furlane. Ai 7 di Lui, a 9 di sere, Palmas e Medda – cul lôr progjet discografic Meigama – a saran in conciert li dal Fuart di Sante Margarite (Murùs) e ai 9 di Lui li de aziende agricule Gradnik di Cormons, adun cui furlans Franco Giordani e Davide Tomasetig. Ai 8 e ai 10 di Lui, i tocjarà a Carwyn Ellis. Il produtôr e polistrumentist galês, un dai colòs dal indie pop-rock dal Ream Unît, al menarà la sô musiche prime sul Cuel di Sant Martin, a Dartigne, po dopo alì de Cort de Cjase de Musiche di Puçui. (A.I.) – 05.07.2022
A Suns Europe al è il moment di sardegnûi e galês
174