Salf il frutin abandonât li de stazion des corieris di Lignan

Al somee che si invii a biele fin la storie dal neonât, parturît e abandonât de mari intal prin dopomisdì di lunis ai 4 di Lui inte stazion des corieris di Lignan. Il piçul, daurman socorût di cualchi passant e dopo rimetût ai miedis dal ospedâl di Tisane, al è fûr pericul e lis sôs cundizions a son simpri miôr; i sanitaris lu àn clamât Alessandri. Il piçul al è stât afidât ai servizis sociâi, in spiete che il Tribunâl dai Minôrs al decidi su la sô adozion. Sul episodi, che al à creât tant sconciert, a indaghin la Procure di Udin e chê dai Minôrs di Triest. Di sclarì la posizion de mari, ancje jê ricoverade a Tisane par une emoragjie fuarte. (A.D.G.) – 05.07.2022