L’Istât in ‘zâl’ di Pordenon

Apontament estîf cun “PordenonePensa in Giallo”, inmaneât dal circul culturâl Eureka, che al presente trê zornadis di apontaments dai 11 ai 13 di Lui, in place sant Marc (o al ex convent in câs di brut timp). Une anticipazion inte loze dal Comun cul incuintri “Giallo Morganti”: i ospits a son il stes editôr Paolo Morganti e l’autôr Nicola Skert, cu lis lôr contis “noir” ambientadis in Friûl. Simpri lunis ai 11 di Lui, il criminolic Massimo Picozzi, amì di PordenonePensa des primis edizions, al conte i crimins tant che spieli dai lôr timps storics in “Nero come l’anima – storie di criminali del passato”. Altris ospits: l’esploradôr dal insolit Massimo Polidoro e Gianluigi Nuzzi di “Quarto grado”. (A.I.) – 08.07.2022