Suntun organic di 42 agjents di Polizie penitenziarie in servizi ae cjase circondariâl di Gurize, al mancje cuasi un cuart dal personâl. E je la situazion presentade al prefet di Gurize, Raffaele Ricciardi, dai rapresentants sindicâi dal Cuarp di Polizie penitenziarie, stant a ce che al conte il segretari regjonâl de UILPA Polizia penitenziaria, Alessandro Penna.
“Cumò la preson dal Lusinç e risulte jessi in dificoltât par vie des mancjancis che a cressin simpri – al ribat il segretari UILPA – spieli di un senari no plui sopuartabil, bon di alimentâ disconfuart e soredut fuarts pericui pal mantigniment dal ordin”. (A.D.G.) – 11.07.2022
Preson di Gurize: al è alarme pe carence di personâl
133