Finâl estîf par ‘Suns Europe’ dal Cormôr ai Paîs Bascs

Ultins apontaments pal calendari estîf de otave edizion di “Suns Europe” – Il festival des arts in lenghe minorizade –, inmaneât de cooperative Informazione Friulana. Miercus ai 13 e joibe ai 14 di Lui, apontaments in librarie e in biblioteche, prime dal grant finâl dal Istât di Suns Europe, in program par vinars ai 15 di Lui. In place Libertât, a Udin (Teatri “San Giorgio” tal câs di ploie), a montâ sul palc a saran la basche Sara Zozaya adun cun cetancj altris artiscj furlans che a puartaran intal cûr de capitâl dal Friûl il conciert-spetacul “Lis Lotis dal Cormôr-Lis Cjançons dal Cormôr”. (A.I.) – 12.07.2022