Dut il Pasolini furlan in rêt

Ai 14 di Lui dal 1942, Pasolini al publicave a Bologne la racuelte “Poesiis a Cjasarse”. Inte stesse dì, 80 agns dopo, la sede dal Centro Studi “Pasolini” di Cjase Colussi a Cjasarse e à presentât il portâl in rêt “Pasolini Bibliografie Friulane”. Un strument inovatîf par cognossi chês oparis dal autôr che a àn un rapuart diret cul Friûl parcè che a son stadis scritis, publicadis o stampadis achì, parcè che a son in lenghe furlane, o parcè che a nomenin lûcs dal Friûl o feminis e oms furlans. Une vore di autôrs in dut il mont a àn indagât/studiât chestis relazions in articui, libris e recensions, ma nol è simpri stât facil cjatâ chescj materiâi. Par dâ rispuestis a chestis esigjencis di studi e ricercje, il Centro Studi e la Filologjiche a àn disvilupât un progjet ideât e definît di Pier Giorgio Sclippa pal sîtֿ www.pasolinibibliografiafriulana.it. (A.I.) – 14.07.2022