179
Un grant fûc si è impiât, ator des 2.30 dopomisdì, intune zone boschive di Bibione, no lontan dal Fâr. Lis flamis a son daûr a brusâ une aree fate prin di dut di bruscjam.
Il fum si è alçât alt in cîl e si pues viodi no dome de localitât balneâr venite, ma ancje di Lignan e di Cjaurlis. Sul puest a son rivâts i pompîrs di Puart, judâts dai coleghis di Tisane, Lignan e Mestre. No saressin personis coinvoltis, ma i socoridôrs a son daûr a controlâ che no sedin escursioniscj. (A.D.G.) – 15.07.2022
