La Awm di Magnan in Riviere cuistade dal Grup Schnell

La AWM di Magnan in Riviere, societât ative intal setôr de progjetazion e produzion di machinaris tecnologjics pe prefabricazion, e je jentrade a fâ part dal Grup Schnell, fuart intal setôr des machinis automatichis pe lavorazion dal fier par ciment armât, che al devente cussì il gnûf soci di maiorance cul 51%. L’objetîf al è fâ deventâ la aziende furlane un dai principâi protagoniscj dal setôr. La continuitât aziendâl e sarà garantide de presince de famee Bernardinis, che e mantignarà une partecipazion dal 49% intal capitâl di AWM continuant a fâ part dai vertiçs. (A.D.G.) – 16.07.2022