Frute e cole dal barcon: une vore grivie

Une vore grivie une frute di 4 agns colade martars dopomisdì dal barcon di un secont plan, a 7 metris di altece, in vie Cividât a Udin. La piçule, di nazionalitât foreste, e à viert il barcon da la mansarde, dulà che si cjatave ancje la mari, e si è poiade al gatar antiefrazion, che però al à molât. Colant, la frute e à vudis tantis feridis, massime al cjâf. Operade di urgjence, si cjate intal repart di Terapie intensive dal ospedâl di Udin. La prognosi e je risiervade. Sul puest a son intervignûts i sanitaris, i agjents de Squadra mobile e la polizie sientifiche de Cuesture di Udin. (V.V.) – 20.07.2022