Dopo dîs di lavôr dai Vigji dal fûc, de Forestâl e dai volontaris antifûc de Protezion civîl, in plui che dai mieçs aeris, la situazion dai fûcs in Friûl Vignesie Julie e somee lâ in miôr. Sul Cjars, dopo dai problemis causâts de buere te gnot tra sabide e domenie, cu la evacuazion di 350 personis intal Comun di Savogne dal Lusinç, il fûc al somee sot control, intant che e reste critiche la situazion su la cueste slovene, dulà che al è stât dirotât un dai Canadair destinâts al Fvj par studâ lis flamis. Par ce che al tocje chei altris fûcs: domât chel di Drencje, sot control la situazion a Pulfar e Frisanc, in Val Resie il front al è calât in graciis de ploie noturne e a Claut il fugaron al è in vie di distudament. (A.I.) – 25.07.2022
Fûcs in regjon: la situazion e va in miôr
183