Udin: une altre disfate in Austrie

Dopo chê cul Bayer Leverkusen, seconde disfate di file intes partidis estivis dal Udin, che al è daûr a alenâsi in Austrie, a Lienz. Inte cuinte jessude di là dal confin, il risultât al è stât il stes: 1-2 cuintri il Qatar, campion nazionâl di Asie in cjarie. Sottil nol à podût meti in cjamp i infortunâts Deulofeu e Becao, e nancje Molina, che aromai al è un zuiadôr dal Atletico Madrid. E je stade pardabon une gare di soference pai blancs e neris, zuiade di ritmis luncs, cun Makengo e Pereyra jentrâts dome intal secont timp e l’unic gol cjatât cul difensôr Benkovic. (A.I.) – 25.07.2022