Sec: 4,2 milions di euros ae Regjon par combati la carence di aghe

Il Dipartiment nazionâl de Protezion civîl al à metût a disposizion 4,2 milions di euros par frontâ i problemis di carence di aghe potabile in Friûl Vignesie Julie. La gnove e je rivade intune cu la ordenance che e nomene il governadôr Massimiliano Fedriga comissari straordenari pe emergjence idriche. I gjestôrs di Acegas, Amga, Cafc, Idrogea, Iris Acqua e Lta a vevin za fate une liste di intervents urgjents sui teritoris di competence. Dentri di siet dîs al sarà scrit un plan che al consintarà ae Regjon di proponi ae Protezion civîl nazionâl une liste di oparis di fâ il prime pussibil. (A.I.) – 25.07.2022