Dopli conciert pal Folk Club di Buri, che al rive finalmentri a celebrâ, cuntun apontament di lustri, i 30 agns di ativitât, dopo doi agns in spiete (al è nassût intal 1990). Joibe ai 28 di Lui in place Ellero a Tresesin e vinars ai 29 intal Domo di Udin, la associazion e tornarà a puartâ in Friûl lis musichis, lis tradizions e lis vocalitâts dai Balcans: chês de innomenade corâl Le Mystère des Voix Bulgares, za puartadis tal 2013 inte Badie di Rosacis. Cheste volte a esibîsi a saran lis ecelencis di chel organic, ven a stâi la Eve Quartet, cuatri ecezionâls solistis dal ensemble, cuntun program di cjants de tradizion laiche e religjose de Bulgarie. I concierts a jentrade libare a son sostignûts ancje de Danieli di Buri. (A.I.) – 27.07.2022
Vôs bulgaris pal Folk Club di Buri
157