Joibe ai 28 di Lui, des 6.30 dopomisdì al Art Park di Verzegnis, inte suaze dal festival internazionâl di musiche de mont “Carniarmonie”, e vignarà screade la seconde edizion di “Vicino/Lontano mont” cul conciert de Topolovska Minimalna Orkestra, nassude a Topolò intal 2008, che e sunarà “In C”, une composizion musicâl di Terry Riley. Po dopo, Carlo Tolazzi e Gian Paolo Gri a fevelaran de storie incrodibil des indemoniadis sucedude a Verzegnis intal 1879: une cuarantine di feminis che intal Invier di chel an a vevin scomençât – lant daûr de Glesie – a pandi i segns di une possession demoniache, cuant che pe sience mediche e jere une forme di isterie. (A.I.) – 27.07.2022
“Vicino/Lontano mont” e lis indemoniadis di Verzegnis
163