A Buri un festival de bande dai arbui

Propri cuant che i nestris teritoris e i nestris boscs a son protagoniscj in maniere dolorose de violence dal sec e dai fûcs, al scomence a Buri, inte curnîs de Vile di Toppo Florio, la tierce edizion dal TreeArt festival, che al met in dialic culture, art, divulgazion sientifiche intal segn de sostignibilitât e de preservazion de biodiversitât. Organizât dal Comun di Buri cul contribût de Regjon, il festival al met adun fin a domenie ai 31 artiscj, sienziâts e divulgadôrs sul teme puartant di chest an, “La foreste urbane”, par fâ impensâ e progjetâ lis citâts dal doman, che a cjapin dentri simpri plui spazis verts, tes stradis, tai parcs e sui edificis. Il festival al sarà screât aes 5.30 sot sere di vinars ai 29 di Lui dal innomenât condutôr radiofonic Massimo Cirri. (A.I.) – 28.07.2022