Udin al disvele i siei segrets, ma dome in Avost

Par dut il mês di Avost, il Servizi Didatic dai museus civics di Udin al compagnarà il public ae scuvierte di lûcs de citât par solit inacessibii. Ogni setemane di Avost e je previodude di fat la viertidure straordenarie di un spazi citadin no visitabil. Lis cuatri visitis vuidadis, pensadis intune otiche di valorizazion dal patrimoni culturâl e di condivision dai spazis citadins, a son une alternative par passâ i dopomisdîs cjalts dal Istât ae insegne de art e de culture. Joibe ai 4 aes 5.30 dopomisdì, jentrade esclusive ae Torate dal Orloi, fin al ultin plan; siet dîs dopo, visite ai internis di Palaç D’Aronco, cûr de citât; vinars ai 19, viertidure de Loze dal Lionello, un dai edificis plui iconics de citât e vinars ai 26 si va jù tes presons dal Cjistiel. (A.I.) 01.08.2022