Tacant dal secont trimestri 2022 la cressite economiche de regjon e à frenât il slanç, dopo jessi rivade al 7% di aument dal Pil intal 2021. Cu la complicitât da la tindince al aument dai presits tacade de fin dal 2021 e dopo des tensions e lis inciertecis dovudis ae situazion internazionâl, lis previsions plui resintis pal 2022 de bande di Prometeia – Ufficio regjonâl statistic a fevelin di une cressite previodude cuasi dal 2%, plui di un pont percentuâl in mancul rispiet aes previsions di fin dal an.
Cundut di chest ralentament, la dinamiche di domande e ufierte di lavôr e continue a jessi une vore alte: intai prins sîs mês dal an lis assunzions a son stadis plui di 135 mil, plui 23.2% a pet dal stes periodi dal an passât, passant ancje il nivel dal 2019 (plui 12.1%), lis trasformazions al timp indeterminât a son 10.600 (plui 95.8 %), lis cessazions dai rapuarts di lavôr a son cuasi 117 mil (plui 29.6% sul 2021), cuntun salt ocupazionâl di passe 29 mil unitâts. (A.D.G.) – 02.08.2022
In regjon e frene la cressite, ma a son plui assunzions
165