Cicloturisim ancje tal palût sot Cesclans

Vinars ai 5 aes 11 di matine si scree il percors naturalistic dal sît di Palût Vuarbis e de zone pai turiscj intun palût di origjin glaciâl framieç di dôs culinis morenichis sot Cesclans. Dopo agns di abandon, il percors al è cumò acessibil e percoribil in gracie di un intervent di risistemazion realizât de Cooperativa Rete Bike FVJ – Cycletaurus, cu la poie de Regjon FVJ. Il percors al jere stât sierât de vegjetazion e al jere impraticabil pai arbui colâts. La risistemazion e je part di un plan plui grant di promozion turistiche dal teritori, che al à l’obietîf di favorî il disvilup dal turisim e dal cicloturisim tal Friûl Vignesie Julie, fasint rêt cuntune serie di subiets: vuidis locâls, struturis ricetivis e realtâts turistichis. (A.I.) – 03.08.2022