In onôr a Tognazzi il finâl di “Cinemadivino”

Grant finâl di “Cinemadivino” joibe ai 4 di Avost te aziende agricule Il Poggio di Feagne. La rassegne, che e met dongje cine, vin e bielecis dal teritori, e je organizade di Cinemazero, in colaborazion cu lis associazions Le donne del vino (Lis feminis dal vin) e Ville Venete (Vilis Venitis). La cunvigne e scomence cu la cerce e la visite in cantine, po dopo e va indevant cu la cene e la proiezion dal cine, un classic dai Agns ‘70, ven a stai “Il vizietto” di Edouard Molinaro cun Ugo Tognazzi: la ocasion par onorâ l’innomenât atôr talian intal centenari de nassite.  (A.I.) – 03.08.2022