Fûc intune pension a Udin

Cuatri personis a son restadis intosseadis in maniere lizere intal fûc sclopât tal prin dopomisdì, pôc dopo lis dôs, inte pension Ai Fârs in vie Melegnano a Udin. I cuatri a son stâts puartâts in ospedâl, ma lis lôr cundizions no saressin grivis. Il fugaron, partît dal esterni de struture, forsit par vie di un curt circuit al implant eletric, in pôc timp si è propagât al cuviert di len de residence.
Sul puest i pompîrs, rivâts in fuarcis dal Comant di vie Popone. Lis flamis a son stadis domadis a colp. Subite dopo i pompîrs a an  proviodût a meti in sigurece la struture. (A.D.G.) – 03.08.2022