Secuestrâts 200 chilos di pes a Lignan

Miercus ai 3 di Avost, ae fin dai controi sul rispiet de normative in materie di segnadure dal prodot itic vendût tai esercizis comerciâi di Lignan, i militârs de Cjapitanarie di puart di Monfalcon e Grau a àn metût sot secuestri 200 kg di chescj prodots itics.
I controi a àn cjatât tal frigorifar di un ristorant de zone tancj esemplârs di pes cence documents di sclariment de segnadure. La sanzion aministrative al titolâr dal esercizi comerciâl e je stade di 1.500 euros. (A.D.G.) – 04.08.2022