165
Al è stât firmât vuê a Udin l’acuardi tra l’Ent di decentrament regjonâl (Edr) e il Comun di Udin pe ricualificazion de ex Caserme Duodo di viâl Ongjarie, che e sarà doprade par ospitâ i students dal Educandât statâl ‘ Uccellis’ .
Il progjet – cemût che al à precisât l’assessôr regjonâl aes Infrastruturis, Graziano Pizzimenti, presint ae firme dal Protocol di intese cul sindic di Udin e il comissari de Edr locâl – al permetarà di recuperâ cence altri consum di teren un imobil di 6.500 metris cuadris restât vueit par plui di vincj agns e ancje di puartâ dai beneficis a dut il tiessût scolastic de citât, stant che lis aulis dal Uccellis a son distribuidis cumò in edificis di altris istitûts. (A.D.G.) – 08.08.2022
