Aprovât il program di cooperazion Italie-Slovenie cun cuasi 87 milions di euros

Al è stât aprovât de Comission Europeane il program, metût adun di istituzions talianis (Stât, Regjon Fvj e Regjon Venit) e slovenis, pal implei dal Font european di disvilup regjonâl (Fesr) intal ambit dal obietîf “Cooperazion teritoriâl europeane” in Italie e Slovenie. Lu a dite la assessore regjonâl aes Financis Barbara Zilli ae fin di un iter che, in pôc mancul di trê agns, al à metût adun lis parts coinvoltis cuntun totâl di 29 incuintris  disvilupâts dai 12 di Novembar dal 2019 e ai 6 di Lui dal 2022. Il progjet, clamât “Program Interreg VI-A Italie-Slovenie 2021-2027”, al podarà cumò jessi metût in at cuntun finanziament complessîf di 88,6 milions di euros (70,9 di fonts Fesr plui la cuote di cofinanziament nazionâl). (A.D.G.) – 11.08.2022