157
La militâr americane che e à invistît Giovanni Zanier e je stade cjatade cuntun tas alcolic di 2,09 g/l (grams par litri).
La Procure di Pordenon e à domandât al Gip la validazion dal arest sul fat dal reât – inmaneât dai Carabinîrs subit dopo il scuintri – pe femine di 20 agns, in servizi te base Usaf di Davian, e la misure cautelâr dai arescj domiciliârs.
Ae soldade al ven contestât il reât di omicidi stradâl colpôs, agravât de vuide in stât di euforie pal alcul o cjoche. “Intant che e jere al volant de Volkswagen Polo nere – al precise intune note il Procuradôr cjâf Raffaele Tito – e varès procurât, no volintlu, la muart dal fantat di cuindis agns par colpe, consistude ancje in negligjence, imperizie e o imprudence”. (A.D.G.) – 22.08.2022
